Tongan

Koe hä ‘a e ACC?

Ko homau fatongia΄ ko e tokoni ke faka’ehi’ehi mei΄he laveá ke ‘oua na’a hoko, pea ́ mo tokoni’i foki kinautolu kuo ‘osi lavea΄ ke lava ke΄ nau foki ki he ngäue´ mo ‘enau mo’ui faka’aho΄ he vave taha΄.

Ko e tokotaha kotoa pë ‘i Nu’usila΄ ni ‘oku lava ke tohi ‘o kole tokoni mei΄ he ACC – ‘o tatau ai pë pe ko e hä ho ta’u motu’a´, pё ‘oku΄ ke lolotonga ngäue, pё ma’u vähenga mälölö mei΄ he ngäue´, kei ako pё penefiti.

‘I he ngaahi keisi lahi,'oku ‘ikai ke fu’u mahu’inga ‘a e founga na’a´ ke lavea ai΄ – he ‘oku΄ mau malu’i (cover)lahi ‘a e ngaahi lavea ‘oku hoko ‘i ‘api, ‘i he ngäue΄, ‘i he hala pule’anga´ pë ko ha’o va’inga sipoti.

Founga ke ma’u tokoni mei he ACC

Kapau te΄ ke lavea, ko e me’a mahu’inga taha΄ ke΄ ke sio ki ha tokotaha mataotao he tafa’aki ‘o e mo’ui΄ (‘o hangë ko ha töketä, tokotaha faito’o fotofota (physiotherapist) pë falemahaki) ‘i he vave taha΄. ‘Oua ‘e toloi na’a faka’au ke kovi ange ‘a ho lavea΄.

‘Oku mahu’inga ke΄ ke ‘uluaki sio ki ha tokotaha mataotao he tafa’aki ‘o e mo’ui΄ke fai ha kole huhu’i, koe’uhi΄ ‘e toki lava ke΄ mau tokoni’i koe ‘o kapau kuo΄ ke ‘osi fakahü mai ha’o tohi kole huhu’i (claim) ki ho lavea΄.Te΄ nau hanga leva ‘o fai ma’au ‘a hono lї mai ‘a e foomu kole huhu’i kuo ‘osi fakafonu΄ pea te΄mau toki fakahoko atu pё kuo tali ‘a ho’o kole huhu’i΄

Founga ‘oku΄ mau tokoni’i ‘aki koe

Kapau ‘oku tali ho’o kole huhu’i΄, ‘oku mau fa’a tokoni ke totongi hono faito’o koe΄ pea mo΄ ha ngaahi ngäue kehe fekau’aki mo ho lavea΄ ke tokoni ki ho’o fakaakeake΄. Ko e ngaahi tokoni ‘e ‘oatu΄ ‘e makatu’unga pë ia ‘i ho lavea΄ pea mo ho’o ngaahi tefito’i fiema’u΄ ‘o ala kau ki ai ‘eni:

Faito’o

‘Oku lava ke mau tokoni ki he ngaahi tafa’aki lahi ‘o e fakamole fakafaito’o΄ mo e ngaahi alä me’a pehe΄, kau ki ai ‘a ho’o ngaahi sio töketaä, ko hano faito’o koe ‘e ha ni’ihi kehe ‘o e kau mataotao he tafa’aki ‘o e mo’ui΄, tafa, ngaahi faka’ata mo e totongi ’a e fakamole ki ho’o ngaahi fo’i ‘akau΄

Ko hono tauhi koe ‘i ‘api΄

Kapau ‘oku hoko ha faingata’a’ia ‘i he anga ho’o nofo‘i ‘api hili ho’o lavea΄ te mau lava ‘o alea’i atu ha ngaahi tokoni kehekehe ‘o hangë ko hono fakamaau ‘o ‘api, tokoni’i mo tauhi koe pea΄ mo tokanga’i ho’o fänau iiki΄.

Ko e tu’unga ho’o ngāue΄

‘E malava pё ke mau totongi atu ha totongi huhu’i fakauike (‘oke vahe ma’u pё) ‘o kapau kuo ta’ofi ho’o ngäue΄ koe’uhi΄ ko ho lavea΄. Pea kapau ‘e fiema’u ke fai, te mau alea’i ha palani fakaakeake ke tokoni’i koe ke ke toe foki ki he ngäue΄.

Kaekehe, ‘i he taimi ‘e ni’ihi ko e foki vave ki he ngäue´ ‘e lava ke tokoni ia ke toe vave ange ai ho’o sai΄. ‘E ala fiema’u ke liliu ha’o ngaahi tefito’i fatongia ‘oku΄ ke fakahoko he ngäue΄kae ‘oua leva kuo΄ke sai,pё ko ha’o ‘uluaki kamata’aki ha ngaahi houa si’i he ngäue΄. 'I he vakai atu ki ai΄, ‘e ngali sai ange ‘eni ki ho’o mo’ui lelei´, pölepole’aki pea tokoni foki ke kei ma’u ai ha’o vahe.

Ko e fe’alu’aki holo ‘i he ngaahi feitu’u ‘oku fiema’u ke ke ‘i ai΄

Kapau ‘e fiema’u ke΄ ke ‘alu ki he ngäue΄ pe ki he feitu’u ‘oku fai ai ho faito’o΄, ‘e lava ke mau tokoni atu ‘o täpuni ‘a e fakamole ki ho’o fefononga’aki΄ pea ‘i he taimi ‘e ni’ihi ‘e lava foki ke totongi ha feitu’u ke΄ ke mohe ai ‘o a’u ki he ‘aho hono hoko΄ (overnight accommodation).

Fu’u lavea lahi (1)

Kapau kuo mole pё ‘ikai ke toe lava ‘o ngäue’aki ha konga ho sino΄ ‘o ‘ikai ke΄ke kei tau’atäina ho’o ngäue holo΄ koe fakatupunga mei ho’o lavea΄ te mau lava ‘o tokoni atu ki ha ngaahi liliu ‘e fai ke toe fakafiemälie ange ki he tu’unga ‘oku΄ ke ‘i ai ‘a ho’o mo’ui΄.

Fu’u lavea lahi (2)

Kapau ‘oku fu’u fakatu’utämaki lahi ‘a ho lavea΄, ‘e malava ke mau totongi atu ha sino’i pa’anga lahi faka’angataha (lump sum) pea΄ mo fakapa’anga foki ‘a e ngaahi me’a ‘o hangë ko e kä mo hano fakalelei’i ‘a ‘api .Ko ‘emau taumu’a΄ke tokoni’i koe mo ho fämili΄ ki he ngaahi liliu he anga e nofo moe taha ‘oku konga pё faingata’a’ia ‘ene mo’ui

Ka mate ha taha tupu mei΄ ha lavea

‘Oku ‘i ai ‘a e ngaahi tokoni fakapa’anga kehekehe ‘e ma’u atu mei΄ he ACC ‘o kapau te ke mate pe ko ha mate ha taha ‘i ho fämili΄ tupu mei΄ ha lavea.

Ko e kau fale’i he to’onga mo’ui fakafonua΄ mo e poupou

‘Oku ‘i ai ‘a ‘emau kau ngäue ‘oku nau taukei he lea faka-Tonga΄ ko e kau fale’i he ‘ulungaanga faka-fonua΄ ‘oku΄ nau fakatonulea ‘i he lea΄ mo fai ha ngaahi fale’i mo poupou ki he kau ngäue ‘a e ACC.Ko e kau fale’i ko ‘eni΄ ‘oku΄ nau tokoni ki he kau ngäue΄ ke fakaakeake mo poupou’i ‘a e kakai lavea΄ ke tuha mo taau mo honau ‘ulungaanga faka-fonua΄

Ko e kau fale’i mei΄ he Pasifiki΄ ‘oku nau poto mo taukei he ngaahi lea mo e tö’onga mo’ui ‘a honau kakai΄ ke nau tokoni’i ‘a e kau ngäue ‘a e ACC ‘i he fai fatongia ma’ae kakai Pasifiki΄. ‘Oku ‘i ai ‘a e kau fale’i Ha’amoa, Tonga pea mo e ‘Otu motu Kuki´ ‘oku΄ nau fai ‘a e ngaahi poupou ki he kotoa ‘o e kau ngäue ‘a e ACC ‘i he fonua΄ni.

Fiema’u ke to e ‘ilo lahi ange

Kapau ‘oku ‘i ai ha’o ngaahi fehu’i fekau’aki mo e founga tokoni ‘a e ACC ki ho’o fakaakeake mei΄he lavea΄,tä mai he fika ta’etotongi΄ 0800 101 996. ‘Oku ‘i ai ‘emau kau fakatonulea ke΄ nau tokoni ke lava ke tau talanoa mo femahino’aki.

Ke vakai mo ma’u ha tatau ‘o e ngaahi tohi fakamatala faka-Tonga΄ sio ki he Publications.

Last reviewed date: 27 January 2014